போதை மறுவாழ்வு மையத்தில் மர்மமாக இறந்த போலீஸ்காரர் – உடலை தோண்டி பிரேத பரிசோதனை

போதை பழக்கத்தை மறந்து மீண்டும் பணியில் சேர முடிவு செய்த அவர், நண்பர்கள் மூலம் திருச்சி கே.கே.நகரில் இயங்கி வரும் போதை மறுவாழ்வு மையத்தில் கடந்த சில நாட்களுக்கு முன்பு சிகிச்சைக்காக சேர்ந்தார்.

இந்தநிலையில் கடந்த 1-ந் தேதி அவர் இறந்து விட்டதாக அவரது குடும்பத்தினருக்கு மையத்தின் சார்பில் தகவல் தெரிவிக்கப்பட்டுள்ளது. சிகிச்சைக்காக மாத்திரை கொடுத்தபோது திடீர் மூச்சு திணறல் ஏற்பட்டதால் திருச்சி பிரபல ஆஸ்பத்திரியில் சேர்த்ததாகவும், ஆனால் தமிழ்ச்செல்வன் சிகிச்சை பலனில்லாமல் இறந்து விட்டதாகவும் தெரிவித்துள்ளனர்.

இதனால் அதிர்ச்சியடைந்த தமிழ்ச்செல்வனின் உறவினர்கள் நேற்று முன் தினம் திருச்சி வந்து உடலை பெற்றுச்சென்றதுடன், சொந்த ஊருக்கு கொண்டு சென்று உடலை அடக்கம் செய்தனர். அப்போது தமிழ்ச்செல்வன் உடலில் காயங்கள் இருந்ததை பார்த்து உறவினர்கள் சந்தேகம் அடைந்துள்ளனர்.