பண்டாரவளை பிரதேசத்தில் போலி கச்சேரியொன்று சுற்றிவளைக்கப்பட்டதில் போலி சான்றிதழ்களுடன் ஒருவர் கைது செய்யப்பட்டுள்ளார்.
பண்டாரவளை பொலிஸ் பிரிவிற்குட்பட்ட பகுதியில் நேற்று பொலிஸ் போக்குவரத்து பிரிவினருக்கு கிடைக்கப் பெற்ற தகவலுக்கமைய மேற்கொள்ளப்பட்ட சுற்றிவளைப்பின்போதே இவர் கைதுசெய்யப்பட்டுள்ளார்.
இதன்போது போலி சான்றிதழ்கள் , பல நிறுவனங்களுக்கு உரித்தான இறப்பர் முத்திரைகள் மற்றும் போலியாக தயாரிக்கப்பட்ட சாரதி அனுமதிப்பத்திரங்கள் உள்ளிட்ட பல போலி ஆவணங்களையும் அவற்றை தயாரிக்க பயன்படுத்திய உபகரணங்களையும் பொலிஸார் கைப்பற்றியுள்ளனர்.
