தலவாக்கலையில் பேருந்தில் ஏற முற்பட்டவேளை இடம்பெற்ற விபத்தில் ஒருவர் காயமடைந்துள்ளார்.
தலவாக்கலை பொலிஸ் பிரிவுக்குட்பட்ட தலவாக்கலை நகரத்தில் இன்று மாலை தலவாக்கலை பேருந்து நிலையத்திலேயே இந்த விபத்து இடம்பெற்றுள்ளது.
பேருந்து நிலையத்தில் இருந்து டயகம பிரதேசத்திற்குச் சென்ற தனியார் பேருந்தில் 46 வயதுடைய ஒருவர் ஏறும் போது சாரதி பேருந்தை செலுத்தியுள்ளார்.
இதன்போது, அதில் ஏற முற்பட்டவர், தவறி கீழே விழுத்தார். இதனால் கால் உடைந்த நிலையில் நுவரெலியா வைத்தியசாலையில் அவர் அனுமதிக்கப்பட்டுள்ளார்.
இவ்விபத்து தொடர்பான விசாரணையை தலவாக்கலை பொலிஸார் மேற்கொண்டு வருகின்றனர்.
