வவுனியாவில் இளைஞர் யுவதிகளால் நுங்குத் திருவிழா இன்று கொண்டாடப்பட்டுள்ளது.
வவுனியா கோதண்டர் நொச்சிக்குளம் பகுதியில் அமைந்துள்ள குளத்திற்கு அருகே இந்த நுங்குத் திருவிழா இன்று வெகு சிறப்பாக இடம்பெற்றது.
”ஊருக்குத் தெரியும்படியாக நுங்கு குடித்து கொண்டாடுதலும் நாட்டுக்கோழி விருந்தோம்பலும்” எனும் தொனிப்பொருளில் இடம்பெற்ற நுங்குத் திருவிழாவை சுயாதீன தமிழ் இளைஞர்கள் அமைப்பு ஏற்பாடு செய்தது.
இந்த நுங்குத் திருவிழாவிற்கு 2000க்கும் மேற்பட்ட பனை விதைகளை விதைத்த மலர்மகள் விளையாட்டுக் கழகத்தினர் அனுசரணை வழங்கியிருந்ததுடன் விழாவில் நுங்கு குடித்தல் நுங்கு குளித்தல் போன்ற நிகழ்வுகள் இடம்பெற்றன.
இதில் இளைஞர்இ யுவதிகள் 20க்கும் மேற்பட்டவர்கள் கலந்துகொண்டு நுங்குத் திருவிழாவை கொண்டாடி மகிழ்ந்தனர்.
