நுவரெலியா பிளக்பூல் பாடசாலைக்கு அருகிலுள்ள இரண்டு மாடிக் கட்டடம், பொலிஸார் தலைமையிலான படையினரால், இன்று(06) சுற்றிவளைக்கப்பட்டு தேடுதல் நடவடிக்கைகள் முன்னெடுக்கப்பட்டன.
அம்பாறை, சாய்ந்தமருது பிரதேசத்தில், சந்தேகத்தின் பேரில் கைதுசெய்யப்பட்ட சந்தேகநபர் வழங்கிய தகவலையடுத்தே, இந்த கட்டடம் சோதனைக்கு உட்படுத்தப்பட்டது.
இந்த கட்டடத்தில், தேசிய தௌஹீத் ஜமாத் அமைப்பின் தலைவரும்
கடந்த 21ஆம் திகதி இடம்பெற்ற தற்கொலைக் குண்டுத்தாக்குதலின் பிரதான சூத்திரதாரியுமான சஹ்ரான் ஹாஷிம் உள்ளிட்ட 36 பேர் பயிற்சி பெற்றுள்ளனரென, விசாரணைகளிலிருந்து கண்டறியப்பட்டுள்ளதாக நுவரெலியா பொலிஸார் தெரிவித்தனர்.
இந்தக் கட்டடத்திலேயே, உயிர்த்த ஞாயிறு தாக்குதலுக்கான இறுதி பயிற்சி, ஏப்ரல் 17ஆம் திகதியன்று ஒத்திகை பார்க்கப்பட்டதாக, தகவல்கள் வெளியாகியுள்ளன.
