ஐக்கிய தேசிய கட்சி உறுப்பினர்கள் ஜனாதிபதியின் முதுகில் குத்துவார்கள் என ஒருபோதும் நாம் எதிர்பார்க்கவில்லை என ஐக்கிய மக்கள் சுதந்திர கூட்டமைப்பின் பொதுச் செயலாளர் மஹிந்த அமரவீர தெரிவித்தார்.
ஜனாதிபதி மற்றும் அரசாங்கத்திற்கு எதிராக அவதூறு செய்யும் வகையில் மீட்கப்பட்ட கடிதங்கள் குறித்து தெளிவுப்படுத்துகையிலேயே அவர் மேற்கண்டவாறு தெரிவித்தார்.
நாட்டின் தலைவரான ஜனாதிபதி மைத்திரிபால சிறிசேனவுக்கு எதிராக எழுதப்பட்ட நூற்றுக்கணக்கான கடிதங்கள் அமைச்சர் லக்ஷ்மன் கிரியெல்லவின் செயலணி உறுப்பினர்கள் எனக் கூறப்படும் மூவரிடமிருந்து மீட்கப்பட்டுள்ளன.
இதன் பின்னணியில் லக்ஷ்மன் கிரியெல்ல இருப்பாராக இருந்தால் அவர் அமைச்சு பதவியில் இருந்து நீக்கப்பட வேண்டும் என்றும் அவர் இதன்போது குறிப்பிட்டார்.
