பண்டாரகம பிரதேசத்தில் சட்டவிரோதமான மதுபானத்துடன் இருவர் கைது செய்யப்பட்டுள்ளனர்.
பண்டாரகம பொலிஸ் பிரிவிற்குட்பட்ட வல்கம பகுதியில் நேற்று சனிக்கிழமை பொலிஸாருக்கு கிடைக்கப்பெற்ற தகவலுக்கமைய மேற்கொள்ளப்பட்ட சுற்றிவளைப்புக்களின் போதே இவர்கள் கைது செய்யப்பட்டுள்ளனர்.
வல்கமை பகுதியில் சந்தேகத்திற்கிடமான கார் ஒன்றை சோதனைக்குட்படுத்திய பொலிஸார் , காரிலிருந்து 33 ஆயிரத்து 750 மில்லி லீட்டர் அளவான சட்டவிரேதமான மதுபானத்துடன் குறித்த சந்தேக நபர்களை கைது செய்துள்ளனர்.
பாணந்துரை பகுதியைச் சேர்ந்த 29 , 30 ஆகிய வயதுகளையுடைய சந்தேக நபர்களே இவ்வாறு கைது செய்யப்பட்டுள்ளனர். பொலிஸார் இவர்களை ஹொரனை நீதவான் நீதிமன்றத்தில் ஆஜர்படுத்தியுள்ளதுடன், மேலதிக விசாரணைகளையும் முன்னெடுத்து வருகின்றனர்.
