கட்டுகஸ்தொட்ட, பொலிஸ் பிரிவுக்குட்பட்ட ராகுல விளையாட்டரங்கிற்கு அருகில் வீதிச் சோதனை சாவடியில் கார் ஒன்றை பரிசோதனைக்கு உட்படுத்திய போது, தானியங்கி துப்பாக்கி ஒன்று, அதற்கான 07 தோட்டாக்கள் மற்றும் 02 பிஸ்டோல்கள் உட்பட ஆயுதங்களுடன் இருவர் கைது செய்யப்பட்டுள்ளனர்.
சந்தேகநபர்களிடம் நடத்தப்பட்ட மேலதிக விசாரணைகளின் படி மேலும் இரண்டு பேர் கைது செய்யப்பட்டுள்ளதுடன், சந்தேகநபர்கள் 35, 39, 51 மற்றும் 56 வயதுடையவர்கள் என்று தெரிய வந்துள்ளது.
சந்தேகநபர்கள் இன்று கண்டி நீதவான் நீதிமன்றில் ஆஜர் செய்யப்பட உள்ளதுடன், சம்பவம் தொடர்பில் கட்டுகஸ்தொட்ட பொலிஸார் மேலதிக விசாரணைகளை ஆரம்பித்துள்ளனர்.
