தற்கொலை குண்டுதாக்குதல் மேற்கொள்ளப்பட்ட மட்டக்களப்பு சீயோன் தேவாலயத்திற்கு பிரதமர் ரணில் விக்ரமசிங்க திடீர் விஜயமொன்றை மேற்கொண்டுள்ளார்.
பலத்த பாதுகாப்பிற்கு மத்தியில் அவர் இன்று (வெள்ளிக்கிழமை) காலை இந்த விஜயத்தை மேற்கொண்டுள்ளதாக அங்கிருக்கும் எமது செய்தியாளர் தெரிவித்தார்.
பிரதமரின் விஜயத்தை முன்னிட்டு மட்டக்களப்பில் பொலிஸார், இாரணுவத்தினர், விசேட அதிரடிப்படையினர் குவிக்கப்பட்டுள்ளதாகவும் அவர் குறிப்பிட்டார்.
சீயோன் தேவாலயத்திற்குச் சென்று செய்திகளை சேகரிக்க ஊடகவியலாளர்களுக்கு அனுமதி வழங்கப்படவில்லையென தெரிவித்த அவர், ஊடகவியலாளர்களை சுமார் 100 மீற்றர் அளவு தொலைவில் நிற்குமாறு படையினர் அறிவுறுத்தியதாகவும் தெரிவித்தார்.
கடந்த மாதம் 21ஆம் திகதி உயிர்த்த ஞாயிறு தினத்தன்று இலங்கையின் பல இடங்களில் மேற்கொள்ளப்பட்ட குண்டுத்தாக்குதல்களில் சீயோன் தேவலயமும் உள்ளடங்கும். இந்த தாக்குதல் காரணமாக மட்டக்களப்பில் 30இற்கும் அதிகமானோர் உயிரிழந்திருந்தமை குறிப்பிடத்தக்கது.
