கிளிநொச்சியில் இடம்பெற்ற விபத்தில் நால்வர் காயமடைந்துள்ளதாக பொலிஸார் தெரிவித்துள்ளனர்.
நேற்று நள்ளிரவு இடம்பெற்ற இந்த விபத்தில் காயமடைந்தவர்கள் கிளிநொச்சி பொது வைத்தியசாலையில் சிகிச்சை பெற்று வருகின்றனர்.
பளையிலிருந்து முறிகண்டி திசை நோக்கி பயணித்த டிப்பர் வாகனம் கிளிநொச்சி நீதிமன்றத்திற்கு அருகாமையில் ஏ9 வீதியில் உள்ள மரம் ஒன்றில் மோதியதாலேயே இந்த விபத்து சம்பவித்துள்ளது. வேகமாக பயணித்த டிப்பர், கட்டுப்பாட்டை இழந்து மரத்துடன் மோதியிருக்கலாம் என தெரிவிக்கப்படுகின்றது.
விபத்து தொடர்பான மேலதிக விசாரணைகளை கிளிநொச்சி பொலிஸார் முன்னெடுத்து வருகின்றனர்.
குறித்த மரத்துடன் மோதுண்டு அண்மையில் மேலும் இரு வாகன விபத்துக்கள் இடம்பெற்றுள்ளமை குறிப்பிடத்தக்கது.
