மதுகம, வெலிபென்ன பொலிஸ் பிரதேசத்தில் மேற்கொள்ளப்பட்ட தேடுதல் நடவடிக்கையில் 5 விமானத் தோட்டாக்கள் மற்றும் டெடனேட்டர் ஒன்றும் கண்டு பிடிக்கப்பட்டுள்ளது.
புலனாய்வு பிரிவினருக்கு கிடைத்த இரகசிய தகவலை அடுத்து வெலிபென்ன பொலிஸ் மேற்கொண்ட விசேட தேடுதலின் போதே இவை கண்டெடுக்கப்பட்டுள்ளன.
வெலிபென்ன, முஸ்லிம் வீதியில் அமைந்துள்ள குப்பை கூழத்தில் இருந்தே குறித்த விமான தோட்டாக்களும் டெடனேட்டரும் கண்டெடுக்கப்பட்டுள்ளன.
கண்டெடுக்கப்பட்ட விமான தோட்டாக்கள் 5 மில்லி மீட்டர் சுற்றளவு கொண்டவை எனவும் தெரிவிக்கப்படுகின்றது.
வெலிபென்ன பொலிஸார் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.
