சாய்ந்தமருதில் வெடிச்சத்தம் ; பரஸ்பர துப்பாக்கிச் சூடு ? ஐ.எஸ். பதாகை மீட்பு, 7 பேர் கைது

• 

கல்முனை சாய்ந்தமருதில், ஒரு குழு ஒன்றுக்கும், பொலிஸார் மற்றும் இராணுவத்திற்கும் இடையில் துப்பாக்கிப் பிரயோகம் இடம்பெற்றுள்ளது.
சாய்ந்தமருது வீட்டுத்திட்டப் பகுதியில் மூன்று வெடிச்சத்தம் கேட்டதாகவும், துப்பாக்கிப் பிரயோகம் இடம்பெற்றதாகவும், இராணுவ ஊடகப் பேச்சாளர் சமிந்த அத்தப்பத்து உறுதிப்படுத்தியுள்ளார்.
அத்துடன், வெடி பொருட்கள், ஐ.எஸ்.ஐ.எஸ் அமைப்பின் சீருடைகள், கொடி, 150 டெட்டநேற்றர், 10 ஆயிரம் அயன் போல், தற்கொலை அங்கிகள் மீட்கப்பட்டுள்ளன.
இந்தப் பொருட்கள் மீட்கும் போது, துப்பாக்கிப் பிரயோகம் மேற்கொள்ளப்பட்டுள்ளது.
இதேவேளை, இரண்டு பாரிய குண்டுகளும் வெடித்துள்ளதாக, அங்கிருக்கும் எமது செய்தியாளர் குறிப்பிட்டார்.
அத்துடன், 7 ஐ.எஸ்.ஐ.எஸ் தீவிரவாதிகள் கைது செய்யப்பட்டுள்ளனர்.