நாட்டில் இடம்பெற்ற குண்டுவெடிப்பு சம்பவங்களுடன் தொடர்புடையவர்கள் என்ற சந்தேகத்தின் அடிப்படையில் இதுவரை 21 பேர் கைது செய்யப்பட்டுள்ளனர்.
இலங்கையில் நேற்று (ஞாயிற்றுக்கிழமை) 8 இடங்களில் தொடர் குண்டு தாக்குதல்கள் நடத்தப்பட்டிருந்ததுடன், இந்த சம்பவத்துடன் தொடர்புடைய இரு பெண்கள் உட்பட 13 பேர் மாலை வரை கைதுசெய்யப்பட்டனர். தொடர்ச்சியாக நடத்தப்பட்ட அதிரடி தேடுதல் நடவடிக்கையில் மேலும் 8 பேர் கைதுசெய்யப்பட்டதாக பொலிஸ் தகவல்கள் தெரிவிக்கின்றன.
கொழும்பு உள்ளிட்ட 9 இடங்களில் மேற்கொள்ளப்பட்ட தற்கொலைக்குண்டு தாக்குதல்களால் இதுவரை சுமார் 240இற்கும் மேற்பட்டவர்கள் உயிரிழந்துள்ளதுடன், 450இற்கும் மேற்பட்டவர்கள் வைத்தியசாலையில் அனுமதிக்கப்பட்டு சிகிச்சைபெற்று வருகின்றமை குறிப்பிடத்தக்கது.
