பங்குனித் திங்கள் இறுதிநாளான்று பன்றித்தலைச்சி அம்மன் ஆலயத்துக்கு சென்ற பக்தர்களிடம் திருடர்கள் தமது கைவரிசையைக் காட்டி சுமார் 20 பவுண் தங்க நகைகளை திருடிச்சென்றுள்ளனர்.
பங்குனித் திங்கள் இறுதிநாள் வழிபாடு பன்றித்தலைச்சி அம்மன் ஆலயத்தில் நடைபெற்றது. அதில் பெருமளவான பக்தர்கள் கலந்துகொண்டனர்.
அங்கு சென்ற பக்தர்களில் 8 பேர் தமது தங்க நகைகளைப் பறிகொடுத்துள்ளனர். 6 பேரிடம் விலையுயர்ந்த தொலைப்பேசிகள் திருடப்பட்டுள்ளன. இவற்றைவிட சிலர் தீர்த்தக் கேணியோரம் நகைகளை வைத்துவிட்டு குளிக்கச் சென்ற சமயம் பயணப் பைகளும் திருடப்பட்டுள்ளன.
ஆலய வழிபாட்டுக்கு வரும் பக்தர்கள் தங்க நகைகள் அணிவதையும், விலையுயர்ந்த பொருள்களைக் கொண்டுவருதையும் தவிர்க்க வேண்டும் என ஆலயத்தினர் ஆரம்பம் முதலே அறிவுறுத்தி வந்தனர்.
மக்கள் அவதானமாக இருக்க வேண்டும் என்றும் தொடர்ச்சியாக ஆலய நிர்வாகத்தினர் அறிவித்து வந்தனர். இருந்தபோதிலும் நகைகளும், பெறுமதி மிக்கபொருட்களும் திருடப்பட்டுள்ளமை குறிப்பிடத்தக்கது.
