15 வயதுடைய பாடசாலை மாணவி ஒருவரை தனியார் பேருந்து ஒன்றினுள் வைத்து பாலியல் துஷ்பிரயோகம் செய்த பேருந்தின் நடத்துநர் ஆனமடுவ பொலிஸாரினால் கைது செய்யப்பட்டுள்ளார். நேற்றுமுன்தினம்(08.04.2019) மாலை இந்த சம்பவம் இடம்பெற்றுள்ளதாக பொலிஸார் சந்தேகிக்கின்றனர்.
ஆனமடுவ – மஹஉஸ்வெவ பகுதியை சேர்ந்த 28 வயதுடைய திருமணமான ஒருவரே இவ்வாறு கைது செய்யப்பட்டுள்ளார்.
துஷ்பிரயோகத்திற்கு உள்ளான பாடசாலை மாணவி மேலதிக வகுப்பிற்கு செல்வதற்காக ஆகமடுவ நகரிற்கு வருகை தந்துள்ளார்.
இதன்போது சந்தேக நபர் குறித்த மாணவியை ஏமாற்றி தனது பேருந்தினுள் அழைத்து சென்று பேருந்திற்குள் வைத்தே துஷ்பிரயோகம் செய்துள்ளதாக ஆரம்பகட்ட விசாரணைகளை தெரியவந்துள்ளது.
துஷ்பிரயோத்திற்கு உள்ளான மாணவி நடந்த சம்பவம் தொடர்பில் தனது தாயிடம் தெரிவித்துள்ளார்.
அதனடிப்படையில் குறித்த மாணவியின் தாய் செய்த முறைப்பாட்டிற்கு அமைய சந்தேக நபரான பேருந்து நடத்துநர் கைது செய்யப்பட்டுள்ளார்.
துஷ்பிரயோகத்திற்கு உள்ளான மாணவி வைத்திய பரிசோதனைகளுக்காக புத்தளம் வைத்தியசாலையில் அனுமதிக்கப்பட்டுள்ளார்.
