நாற்பது இலட்ச ரூபா பெறுமதியான இரு கஜ முத்துக்களை வைத்திருந்த இரு இளைஞர்களை பொலிஸார் கைது செய்துள்ளனர்.
தம்பகல்லை பகுதியைச் சேர்ந்த நிலவபெத்த என்ற கிராமத்தில் நேற்று மாலை மேற்படி இரு கஜ முத்துக்கள் மீட்கப்பட்டதுடன் அதன் உரிமையாளர்களாக கருதப்படும் இரு இளைஞர்களையும் பொலிசார் கைது செய்துள்ளனர்.
பொலிசாருக்கு கிடைக்கப்பெற்ற தகவலொன்றினையடுத்து சியம்பலாண்டுவ மற்றும் தம்பகல்ல ஆகிய இடங்களின் பொலிசார் குறிப்பிட்ட கிராமத்திற்கு மாற்றுடையில் கஜ முத்துக்களை கொள்வனவு செய்பவர்கள் போன்று சென்றனர். கஜ முத்துக்களை வைத்திருந்தவர்கள் கொள்வனவு செய்ய வந்தவர்களிடம் விலை பேசி பணத்தை பெற்றுக்கொண்ட வேளையில் அவர்கள் மடக்கி பிடிக்கப்பட்டு கைது செய்யப்பட்டனர். அத்துடன் இரு கஜ முத்துக்களும் மீட்கப்பட்டன.
கைது செய்யப்பட்டவர்கள் 08.04.2019 இல் மொனராகலை மஜிஸ்ரேட் நீதிமன்றத்தில் ஆஜர் செய்யப்படுவரென பொலிசார் தெரிவித்தனர்.
