இலங்கை கடல் எல்லைக்குள் மீன்பிடியில் ஈடுபட்டார்கள் என்ற குற்றச்சாட்டின் பேரில் கைது செய்யப்பட்ட 18 தமிழக மீனவர்களையும் எதிர்வரும் 17ஆம் திகதி வரை விளக்கமறியலில் வைக்குமாறு, பருத்தித்துறை நீதவான் நலனி கந்தசாமி உத்தரவிட்டுள்ளார்.
பருத்தித்துறைக் கடற்பரப்பில், சட்டவிரோதமான முறையில் எல்லைத்தாண்டி மீன்பிடியில் ஈடுபட்டார் என்ற குற்றச்சாட்டின் பேரில், 18 தமிழக மீனவர்கள், நேற்று முன்தினம் (04) இரவு, கடற்படையினரால் கைது செய்யப்பட்டிருந்தனர்.
இவர்களிடமிருந்து, மூன்று மீன்பிடி படகுகளையும் கடற்படையினர் கைப்பற்றியிருந்தமை குறிப்பிடத்தக்கது.
