வட மாகாணத்தில் தொடர்ச்சியாக நிகழும் பல்வேறுபட்ட குற்றச்செயல்களை கட்டுப்படுத்துவதில் பெரும் சவால்களை எதிர்கொண்டுள்ளதாக பொலிஸ் வட்டாரத் தகவல்கள் தெரிவிக்கின்றன.
வடக்கில் அதிகரித்து காணப்படும் போதைப்பொருள் கடத்தல், சட்டவிரோத மது உற்பத்தி செய்தல், மண் கடத்துதல், காடுகளை அழித்து மரங்களை கடத்துதல், மற்றும் கொலை, கொள்ளை, குழுக்களுக்கிடையிலான வாள்வேட்டு மோதல்கள், பாலியல் துஸ்பிரயோகம் போன்ற பல்வேறுபட்ட குற்றச்செயல்கள் வடக்கில் அதிகரித்துள்ளன.
இந்த சம்பவங்களிள் ஈடுபட்ட குற்றவாளிகளை பொலிஸாரின் சிறப்பு அதிரடி நடவடிக்கைகளினால் கைது செய்து நீதிமன்றில் முன்னிலைப்படுத்தியுள்ளதாகவும் முறியடிப்பு செய்துள்ளதாகவும் பொலிஸ் வட்டாரத் தகவல்கள் மேலும் தெரிவித்துள்ளன.
இவ்வாறான குற்றச்செயல்களை தடுப்பதற்கும் குற்றவாளிகளை கைது செய்வதற்கும் பொதுமக்களின் ஒத்துழைப்பு போதியளவு இருந்துள்ளதாகவும் தொடர்ந்தும் பொதுமக்கள் சமூகங்களில் நடைபெரும் சட்டவிரோத செயல்கள் தொடர்பான விடயங்களை அறிந்தால் ஏதாவது ஒருவழியில் பொலிஸாருக்கு தகவல் வழங்கும்படி பொலிஸ் தினைக்களம் வேண்டுகோள் விடுத்துள்ளது.
