கல்லுண்டாய்வெளி பகுதியில் மலக்கழிவுகளை கொட்டிய குற்றச்சாட்டில் கைதுசெய்யப்பட்ட இருவர் யாழ்.மாநகர சபை ஊழியர்கள் என தெரியவந்துள்ளது.
யாழ்.கல்லுண்டாய்வெளி பகுதியில் கடந்த 26ஆம் திகதி பகல்வேளை மலக்கழிவுகளை கொண்ட முயன்றவர்களை அங்கு பாதுகாப்பு கடமையில் இருந்தவர்கள் மடக்கி பிடித்து பொலிஸாரிடம் ஒப்படைத்தனர்.
அவர்கள் இருவரையும் மலக்கழிவை ஏற்றி வந்த வாகனத்தையும் பொலிஸார் யாழ்.நீதிவான் நீதிமன்றில் முற்படுத்தினார்கள். அதன் போது கைதுசெய்யப்பட்ட இருவரும் யாழ்.மாநகர சபைபணியாளர்கள் என பொலிஸார் மன்றில் தெரிவித்தனர்.
அதனை தொடர்ந்து நடைபெற்ற வழக்கு விசாரணைகளை அடுத்து இரு ஊழியர்களையும் பிணையில் விடுவித்த நீதிவான் வாகனத்தை தடுத்து வைத்தார். அத்துடன் வழக்கினை ஏப்ரல் மாதம் 24ஆம் திகதிக்கு ஒத்திவைத்துள்ளார்.
அதவேளை கடந்த வாரம் அதிகாலை 12.30 மணியளவில் கழிவுகளை கொண்ட வந்த வாகனத்தை மடக்கி பிடித்த போதிலும் அதில் இருந்த மூவரும் யாழ்,மாநகர சபை பணியாளர்கள் என தெரியவந்தது. அவர்கள் மூவருக்கும் எதிராகவும் பொலிஸ் நிலையத்தில் முறைப்பாடு பதிவு செய்யப்பட்டுள்ளது என்பது குறிப்பிடத்தக்கது.
