காசல் ரீ நீர்த்தேக்கத்தில் சட்டவிரோத மாணிக்கக்கல் அகழ்வு

• 

ஹட்டன் நோட்டன் பிரீஜ் பிரதான வீதியின் வனராஜா பகுதிக்கு அருகாமையில் உள்ள காசல் ரீ நீர்த்தேக்கத்தில் சட்டவிரோத மாணிக்கக்கல்  அகழ்வு இடம்பெற்று வருவதாக பிரதேசவாசிகள் தெரிவித்தனர்.
வரட்சியின் காரணமாக காசல் ரீ நீர்த்தேக்கத்தில் நீர்மட்டம் குறைந்த நிலையில் காணப்படுகின்றமையால் நீர் வற்றிய பகுதியில் இனந்தெரியாதவர்களால் சட்டவிரோத மாணிக்கக்கல் அகழ்வு இடம்பெற்று வருவதாக பிரதேச மக்கள் தெரிவிக்கின்றனர்.
இதேவேளை குறித்த பகுதியில் சட்டவிரோத மாணிக்ககல் அகழ்வில் ஈடுபடும் சந்தேக நபர்களை வெகுவிரைவில் கைது செய்யும் நடவடிக்கையினை மேற்கொள்ளுமாறு அப்பகுதியினர் பொலிஸாரிடம் வேண்டுகோள் விடுத்துள்ளனர்.