நிட்டமுவ பொலிஸ் பிரிவுக்குட்பட்ட திஹாரி பகுதியில் மேற்கொள்ளப்பட்ட சுற்றிவளைப்பின்போது கேரள கஞ்சா கடத்தில் ஈடுபட்ட இருவர் கைதுசெய்யப்பட்டுள்ளனர்.
முச்சக்கர வண்டியில் கஞ்சா கடத்தி செல்லப்படுவதாக பொலிஸாருக்கு கிடைக்கப் பெற்ற தகவலுக்கு அமைவாக பொலிஸார் திஹாரி பகுதியில் வைத்து குறித்த முச்சக்கர வண்டியை வழிமறித்து சோதனை நடவடிக்கைகளை மேற்கொண்டுள்ளனர்.
இதன்போதே சுமார் 9 கிலோகிராம் 43 கிராம் நிறையுடைய கேரளா கஞ்சா கைப்பற்றப்பட்டுள்ளதுடன், முச்சக்கர வண்டியின் சாரதியும் அதில் பயணித்த ஒருவரும் கைதுசெய்யப்பட்டுள்ளார்.
