துப்பாக்கி ஒன்றுடன் நபரொருவர், காவத்தை விசேட அதிரடிப் படையினரால் கைது செய்யப்பட்டுள்ளார் .
இரத்தினபுரி பொலிஸ் பிரிவிற்குட்பட்ட துன்னதஹேன பகுதியில் காவத்தை விசேட அதிரடி படையினருக்கு கிடைக்கப்பெற்ற இரகசிய தகவலுக்கமைய மேற்கொள்ளப்பட்ட சுற்றிவளைப்புகளின் போதே இவர் கைது செய்யப்பட்டுள்ளார்.
சந்தேக நபரின் வசமிருந்து அனுமதி பத்திரமற்ற குழல் 12 ரக துப்பாக்கி ஒன்றும், இரண்டு தோட்டாக்களும் விசேட அதிரடிப்படையினரால் மீட்க்கப்பட்டுள்ளதுடன், மேற்படி நபர், புவக்கஹ, தொடம்பே பகுதியைச் சேர்ந்த 23 வயதுடையவரென்றும் தெரியவந்துள்ளது.
