ஓமானில் இடம்பெற்ற வாகன விபத்தொன்றில் அக்கரைப்பற்றைச் சேர்ந்த தாயும் இரண்டு பிள்ளைகளும் ஸ்தலத்திலேயே பலியாகியுள்ள நிலையில். இந்த விபத்தில் வேறொரு குடும்பத்தைச் சேர்ந்த மற்றுமொரு பிள்ளையும் உயிரிழந்துள்ளது.
இதன்போது வாகனத்தில் பயணித்த கணவரும் அவர்களின் மற்றொரு ஆண் குழந்தையும் காயமடைந்த நிலையில் வைத்தியசாலையின் அவசர சிகிச்சைப் பிரிவில் அனுமதிக்கப்பட்டுள்ளதாக உறவினர்கள் தெரிவித்தனர்.
அல் ஜபல் அல் அஹ்தர் மலைப் பாதையில் பயணிக்கும் போது இந்த விபத்து சனிக்கிழமை(23) பகல் இடம்பெற்றுள்ளது.
அக்கரைப்பற்றைச் சேர்ந்த எச்.சக்கி வயது(49) என்பவர் தனது குடும்பத்தினருடன் வாகனத்தில் பயணித்துக் கொண்டிருந்த போதே, இந்த விபத்து நேர்ந்துள்ளது.
விபத்து தொடர்பான மேலதிக விசாரணைகளை ஓமான் பொலிஸார் மேற்கொண்டு வருகின்றனர்.
