எல்லைத் தாண்டி வந்து மீன்பிடித்த தமிழக மீனவர்கள் 13 பேர் இலங்கை கடற்படையினரால் கைது செய்யப்பட்டுள்ளனர்.
இந்தியாவின் ராமநாதபுரம் மாவட்டம் மண்டபத்திலிருந்து நேற்று கடலுக்கு மீன்பிடிக்க இரு படகுகளில் சென்ற மீனவர்கள் 9 பேர் நெடுந்தீவு அருகே மீன்பிடித்து கொண்டிருந்த போது கைதாகியுள்ளனர்.
இதுதவிர கச்சத்தீவு அருகே எல்லை தாண்டி மீன் பிடித்த மேலும் 4 தமிழக மீனவர்கள் இலங்கை கடற்படையினரால் கைது செய்யப்பட்டுள்ளனர்.
கைது செய்யப்பட்ட 13 மீனவர்களும் ராமநாதபுரம் மாவட்டம் மண்டபம் பகுதியை சேர்ந்தவர்கள் என்று இந்திய செய்திகள் கூறுகின்றன.
நேற்று முன்தினம் எல்லைத்தாண்டி மீன்பிடித்ததாக கூறி இலங்கை மீனவர்கள் 25 பேரை இந்திய கடலோர காவல் படையினர் கைது செய்தமை குறிப்பிடத்தக்கது.
