ரணில் விக்கிரம சிங்கவின் பெண் செயலரின் தொலைபேசி, யாழ்ப்பாண நகரத்திலுள்ள தொலைபேசி விற்பனை நிலையத்திலிருந்து பொலிஸாரால் நேற்று மீட்கப்பட்டுள்ளது.
ரணில் விக்கிரமசிங்க கடந்த 14 ஆம் திகதி யாழ்ப்பாணத்துக்கு சென்றிருந்த போது. யாழ்ப்பாணம் போதனா வைத்தியசாலைக்குச் சென்று கட்டடத்தை திறந்து வைத்தார்.
இந்த நிகழ்வுக்கு அவரின் பெண் செயலரும் சென்றிருந்தார். அவரது தொலைபேசி அங்கு வைத்து களவாடப்பட்டிருந்தது. இது தொடர்பில் யாழ் பொலிஸ் நிலையத்தில் முறைப்பாடு பதிவு செய்யப்பட்டது.
பொலிஸார் நீதிமன்றின் அனுமதியுடன், தொலைபேசியைக் கண்டுபிடிப்பதற்கான முயற்சிகளில் ஈடுபட்டிருந்தனர். யாழ்ப்பாண நகரிலுள்ள தொலைபேசி விற்பனை நிலையத்திலிருந்து தொலைபேசி நேற்று மீட்கப்பட்டுள்ளது.
அரியாலையைச் சேர்ந்த சந்தேக நபர் ஒருவர் குறித்த தொலைபேசியை விற்பனை செய்திருப்பது தெரியவந்துள்ளது. இருப்பினும் சந்தேகநபர் இதுவரை கைதாகவில்லை.
இதேவேளை, யாழ்ப்பாணம் போதனா வைத்தியசாலையிலுள்ள மறைகாணியின் (சி.சி.டி.வி.) உதவியுடன் சந்தேக நபர் அடையாளம் காணப்பட்டுள்ளதாகப் பொலிஸார் தெரிவித்தனர்.
