இலங்கைத் தொழிலாளர் காங்கிரஸின் உப செயலாளராக, அமரர் சந்தனம் அருள்சாமியின் புதல்வரான பாரத்ஷான், நுவரெலியா மாவட்ட நாடாளுமன்ற உறுப்பினரும் இலங்கைத் தொழிலாளர் காங்கிரஸின் தலைவருமான ஆறுமுகன் தொண்டமானால் நியமிக்கப்பட்டுள்ளார்.
இலங்கைத் தொழிலாளர் காங்கிரஸின் உப செயலாளரும் மத்திய மாகாண முன்னாள் அமைச்சருமான அமரர் எஸ்.அருள்சாமி, உடல்நலக் குறைவு காரணமாக, கடந்த ஜனவரி மாதம் 5ஆம் திகதி மரணமடைந்தார்.
அவரது இடத்துக்கு வெற்றிடம் நிலவி வந்த நிலையில், பாரத்ஷான் நியமிக்கப்பட்டுள்ளார்.
ஆறுமுகன் தொண்டமான் எம்.பியின் பணிப்புரைக்கமைவாக, இலங்கைத் தொழிலாளர் காங்கிரஸின் பிரதிப் பொதுச் செயலாளர் ஜீவன் தொண்டமான், இவருக்கான நியமனக் கடிதத்தை வழங்கியுள்ளார்.
