அரசுமுறை பயணமாக இந்தியா வந்துள்ள பூடான் பிரதமர் இன்று காங்கிரஸ் தலைவர் ராகுல் காந்தியை சந்தித்து பேசினார்.
பூட்டானின் புதிய பிரதமர் லோதே ஷெரிங், தனது முதல் வெளிநாட்டுப் பயணமாக இந்தியா வந்துள்ளார். இந்தியா மற்றும் பூடான் இடையேயான உறவின் பொன்விழா ஆண்டை சிறப்பிக்கும் வகையில் இந்தியாவில் 3 நாட்கள் அவர் சுற்றுப்பயணம் மேற்கொண்டுள்ளார்.
முன்னதாக, டெல்லி வந்து சேர்ந்த அவருக்கு பிரதமர் மோடி தலைமையில் ஜனாதிபதி மாளிகையில் நேற்று சிறப்பான வரவேற்பு அளிக்கப்பட்டது.
வரவேற்பு நிகழ்ச்சியைத் தொடர்ந்து இரு நாட்டு பிரதமர்களும் பேச்சுவார்த்தை நடத்தினர். இந்த சந்திப்பின்போது இரு நாடுகளுக்கிடையிலான நல்லுறவுகள் மற்றும் வர்த்தக உறவுகளை மேம்படுத்துவது தொடர்பாக ஆலோசிக்கப்பட்டது.
இந்நிலையில், காங்கிரஸ் தலைவர் ராகுல் காந்தியை லோதே ஷெரிங் இன்று சந்தித்து பேசினார்.
