வீதியில் சென்றுகொண்டிருந்த மோட்டார் சைக்கிளை கார் மோதியலில் இளைஞர் ஒருவர் உயிரிழந்துள்ளார். இச்சம்பவம் கடந்த செவ்வாய்க்கிழமை (25) இரவு 10.45 மணியளவில் கோப்பாய் கைதடி செல்லும் வீதியில் இடம்பெற்றுள்ளது.
அளவெட்டி பகுதியிலிருந்து மோட்டார் சைக்கிளில் கோப்பாய்வெளி ஊடாக கைதடி நோக்கி சென்ற மோட்டார் சைக்கிளை அவ்வழியே வேகமாக சென்ற மோட்டார் கார் மோட்டார் பின்னால் மோதியது.
இதனால் மோட்டார் சைக்கிளில் சென்றவர் அவ்விடத்திலேயே உயிரிழந்துள்ளதுடன் மோதிய மோட்டார் கார் அருகிரிருந்த ஏரிக்குள் பாய்ந்துள்ளது.
குறித்த விபத்தில் உயிரிழந்தவர் கொடிகாமம் கச்சாய் பகுதியை சேர்ந்த கந்தசாமி கருணாகரன் (வயது-30)என்பவராவார்.
இவ்விபத்து தொடர்பாக விசாரணைகளை மேற்கொண்டுள்ள கோப்பாய் பொலிஸார் காரினை செலுத்தி சென்ற நபரை கைது செய்துள்ள நிலையில் குறித்த நபர் மதுபோதையில் காணப்பட்டதாகவும் திருகோணமலையில் உள்ள பிரதேச செயலகத்தில் கடமையாற்றி வருவதாகவும் தெரிவிக்கப்படுகிறது.
