யாழ்.மாவட்டத்தில் மருதங்கேணி, நெடுந்தீவு, ஊர்காவற்றுறை, காரைநகர், வேலணை பிரதேச செயர் பிரிவுகளை தவிர்ந்த ஏனை 9 பிரதேச செயலர் பிரிவுகளிலும் 58 மதுபான சாலைகள் உள்ளன.
இவற்றில் அதிகப்படியாக யாழ்.பிரதேச செயலர் பிரிவில் 21 மதுபான சாலைகளும், நல்லூர் பிரதேச செயலர் பிரிவில் 10 மதுபான சாலைகளும் கரவெட்டி, பருத்தித்துறை பிரதேச செயலர் பிரிவுகளில் ஒவ்வொரு பிரிவிலும் தலா 5 மதுபான சாலைகளும், உடுவில், கோப்பாய், சாவகச்சேரி போன்ற பிரசேத செயலர் பிரிவுகளில் ஒவ்வொரு பிரிவிலும் தலா 4 மதுபான சாலைகளும், சண்டிலிப்பாய் பிரதேச செயர் பிரிவில் 3 மதுபான சாலைகளும், சங்காணை பிரதேச செயலர் பிரிவில் 2 மதுபான சாலைகளும் உள்ளன.
இவற்றில் பாடசாலைகள், ஆலையங்கள், வியாபார நிலையங்கள் மற்றும் பொது மக்கள் குடிமனைகளுக்கு 100 மீற்றர் தூரத்திற்கு உள்ளே 10 மதுபான சாலைகள் அமைந்துள்ளன. இதில் யாழ்.பிரதேச செலர் பிரிவில் 5 மதுபான சாலைகளும், நல்லூர் மற்றும் கோப்பாய் பிரதேச செயலர் பிரிவு ஒவ்வொன்றிலும் தலா 2 மதுபான சாலைகளும், பருத்தித்துறை பிரதேச செயலர் பிரிவில் ஒரு மதுபான சாலையும் உள்ளன.
இவ்வாறு 100 மீற்றர் தூரத்திற்கு உள்ளே காணப்படும் மதுபான சாலைகளில் 8 மதுபானங்களை நுகர்வதற்கு வழங்கப்படும் மதுபான சாலைகளாக காணப்படுகின்றன.
இதே போன்று குறிப்பாக பாடசாலைகள், ஆலயங்களுக்கு 200 மீற்றர் தூரத்தில் 16 மதுபான சாலைகளும், 300 மீற்றர் தூரத்தில் 18 மதுபான சாலைகளும், 4 மீற்றர் தூரத்தில் 18 மதுபான சாலைகளும், 5 மீற்றர் தூரத்தில் 16 மதுபான சாலைகளும் அமைந்துள்ளன.
பெரும்பாலும் யாழ்.மாவட்டத்தில் உள்ள 58 மதுபான சாலைகளில் 19 மதுபான சாலைகள் தொடர்பான அதிகளவு முறைப்பாடுகளும் பொது மக்களாலும், பொது அமைப்புக்களினாலும் யாழ்.மாவட்டச் செயலகத்திடம் பதிவு செய்யப்பட்டுள்ளது.
யாழில் 58 மதுபான சாலைகளில் 26 பாடசாலை, ஆலயங்களுக்கு அருகில் சட்டவிரோமாக அமைப்பு
Posted on September 29, 2016 at 02:38 
