ஜனநாயகத்தை வலியுறுத்தும் குரல் எனும் தொனிப் பொருளில் றைஸ் சிறீலங்கா மற்றும் இலங்கை மெதடிஸ்த திரு அவையின் வட கிழக்கு மறை மாவட்டம் என்பன இணைந்து இந்த பேரணியை நடாத்தியது.
மட்டக்களப்பு நகரின் காந்திப்பூங்காவுக்கு முன்னால் இடம் பெற்ற ஜனநாயகத்தை வலியுறுத்தும் குரல் பேரணியில் சமயப் பிரமுகர்கள் அரச சார்பற்ற நிறுவனங்களின் பிரதி நிதிகள் என பலரும் கலந்து கொண்டனர்.
ஜனநாயகத்தை வலியுறுத்துவதுடன் நிலையான அமைதியும் நிரந்தரமான சமாதானமும் ஏற்பட வேண்டுமெனவும் இதன் போது வலியுறுத்தப்பட்டன.தாய் நாட்டின் நற்பெயரையும் ஜனநாயகத்தையும் கீழ் மட்டத்திற்கு கொண்டு வந்த வன்முறை அரசியல் கலசாராத்தினையும் வண்மையாக கண்டிப்பதாகவும் இதன் போது பேரணியில் கலந்து கொண்டோர் தெரிவித்தனர்.
இந்தப் பேரணியில் கலந்து கொண்டோர் இலங்கையின் நாடாளுமன்ற நடவடிக்கைகள் தொடர்பான வரையறைகளுக்கு அப்பால் நடந்து கொண்டவர்களுக்கு எதிராக கடுமையான சட்ட நடவடிக்கைகளை எடுக்கமாறு கோருவதாகவும் இதன் போது தெரிவித்து கையொப்பங்களையும் வைத்தனர்.
இதில் கலந்து கொண்டோர் சுலோகங்களையும் தாங்கி நின்றனர்.
