பொதுமக்களை காவலர்கள் மரியாதையுடன் நடத்த வேண்டும் என்று சென்னை காவல் ஆணையர் விஸ்வநாதன் கூறியுள்ளார்.
காவலர்கள் மன மேம்பாட்டிற்கான சிறப்பு பயிற்சி நிகழ்ச்சியில் சென்னை காவல் ஆணையர் விஸ்வநாதன் பேசியதாவது:
காவல்துறையின் இமேஜை முடிவு செய்வது, நம்மிடம் வருபவர்களிடம் எப்படி நடந்து கொள்கிறோம் என்பது தான். நான் எப்படி நடத்தப்பட வேண்டும் என்று நினைக்கிறீர்களோ, மக்களை நீங்கள் அப்படி நடத்துங்கள். காவல் துறையினர் பொதுமக்கள் மத்தியில் பயத்தை உருவாக்க கூடாது.காவல்நிலையத்திற்கு வரும் பொதுமக்களை காவலர்கள் மரியாதையுடன் நடத்த வேண்டும். சேவை செய்யும் பணி என உணர்ந்து புகார் கொடுக்க வருவோரை கனிவோடு அணுக வேண்டும். காவலர்கள் சிறப்பாக செயல்பட்டதால் தான் தமிழக முதல்-அமைச்சர் டெல்லியில் விருது பெற்றுள்ளார்.இவ்வாறு அவர் பேசினார்.
