யாழ்ப்பாணத்தில், இணுவில் பகுதியில் தந்தையினால் மகனுக்கு நடந்த கொடூரம் அனைவரையும் வியப்பில் ஆழ்த்தியுள்ளது.
போதை தலைக் கேறிய தந்தையொருவர், தனது ஐந்து வயது மகனை பற்பல இடங்களில் கொடூரமாக கடித்துள்ளார். தாக்குதலுக்கு உள்ளான சிறுவன் தெல்லிப்பழை வைத்தியசாலையில் சேர்க்கப்பட்டுள்ளான். மேலும் சிறுவன் கை, முதுகு , முகம் எனப் பல இடங்களிலும் கடி காயங்களுக்கு இலக்காகியுள்ளான்.
சிறுவனின் உடல்களில் ஏற்பட்ட காயங்களுக்கு சிகிச்சையளிக்கப்பட்டு வருவதோடு, தடுப்பூசி ஏற்றப்பட்டுள்ளது எனவும் தெரிவிக்கப்படுகிறது.
இச் சம்பவம் தொடர்பில் சுன்னாகம் பொலிஸில் முறைப்பாடு செய்யப்பட்டுள்ளதையடுத்து, சிறுவனின் தந்தை பொலிஸாரால் கைது செய்யப்பட்டுள்ளார்.
மேலதிக விசரணைகளின் பின்னர் இன்று அவர் நீதிவான் மன்றில் முற்படுத்தப்படுவார் என்றும் பொலிஸார் தெரிவித்தனர்.
