புத்தளம் – சிலாபம் பகுதியில் 5 வயது சிறுமியை துஷ்பிரயோகம் செய்ததாக சந்தேகத்தின் பேரில் சிறுமியின் உறவினர் ஒருவர் கைது செய்யப்பட்டுள்ளதாக சிலாபம் பொலிஸார் தெரிவிக்கின்றனர்.
குறித்த சிறுமியின் தந்தை தம் குடும்பத்தை விட்டு பிரிந்து வேறு பெண்ணை திருமணம் செய்து வாழ்வதால், குடும்பச் சுமையைத் தீர்க்க சிறுமியின் தாய் வேலைக்குச் செல்கிறார். அவ்வப்போது பிள்ளையை பார்க்கவரும் தந்தை தன் புது மனைவியுடன் வந்திருந்த சமயம் சிறுமி தனக்கு நடந்ததை தெரிவித்துள்ளார்.
இதை அறிந்த தந்தை செய்த முறைப்பாட்டைத் தொடர்ந்து 42 வயதுடைய குறித்த நபர் கைதுசெய்யப்பட்டுள்ளார். அவர் சிறுமியின் சித்தப்பா என அறியப்படுகிறது.
எனினும் மேலும் ஒரு நபரும் சந்தேகிக்கப் படுவதாகவும் அவர் இன்னும் கைதாகவில்லை எனவும், சிறுமி வைத்திய பரிசோதனைகளுக்காக சிலாபம் வைத்தியசாலையில் அனுமதிக்கப்பட்டுள்ளதாகவும் சிலாபம் பொலிஸார் மேலும் தெரிவிக்கின்றனர்.
மேலும் விசாரணைகள் நடைபெறுவதாகவும், கைதுசெய்யப்பட்டவர் சிலாபம் மேல் நீதிமன்றில் ஆஜர்படுத்தப்பட உள்ளதாகவும் அறியப்படுகிறது.
