முச்சக்கர வண்டியில் ஹெரோயின் கடத்தப்படுவதாக வெள்ளவத்தை பொலிஸாருக்கு வழங்கப்பட்ட தொலைபேசி அழைப்பொன்றின் அடிப்படையில் மேற்கொள்ளப்பட்ட திடீர் சேதனையில் ஹெரோயின் போதைப்பொருளுடன் சந்தேகநபரொருவர் நேற்று கைது செய்யப்பட்டுள்ளார்.
வெள்ளவத்தை பொலிஸ் பிரிவுக்குட்பட்ட மூது மாவத்தை பகுதியில் வைத்து வெள்ளவத்தை ஊழல் தடுப்பு பிரிவு பொலிஸாராலேயே குறித்த நபர் இவ்வாறு கைதுசெய்யப்பட்டு மேலதிக விசாரணைகளுக்காக வெள்ளவத்தை பொலிஸில் ஆஜர்படுத்தப்பட்டுள்ளார்.
மொறட்டுவையை சேர்ந்த 40 வயதுடைய நபரே இவ்வாறு கைதுசெய்யப்பட்டவராவார். இவரை கைதுசெய்த வேளையில் அவரிடமிருந்து 100 கிராம் 180 மில்லிகிராம் நிறையுடைய ஹெரோயின் கைப்பற்றப்பட்டுள்ளது.
