வெருகல், ஈச்சிலம்பற்று பகுதியில் மனைவியை உலக்கையால் தாக்கி காயப்படுத்திய கணவயொருவர் கைதுசெய்யப்பட்டுள்ளார்.
ஈச்சிலம்பற்று, பூநகரி பகுதியில் வசித்து வந்த 28 வயதுடைய கணவரையே இவ்வாறு நேற்றைய தினம் கைது செய்துள்ளதாக பொலிஸார் தெரிவிக்கின்றனர்.
இச்சம்பவம் பற்றி தெரியவருவதாவது,
குறித்த சந்தேக நபர் மதுபானம் அருந்திவிட்டு வீட்டுக்குச் சென்று மனைவியோடு உனது பெற்றோரிடம் பணம் வாங்கி வருமாறு கூறி தாக்கியதாக விசாரணைகளிலிருந்து தெரிய வந்துள்ளதாக பொலிஸார் தெரிவிக்கின்றனர்.
சந்தேக நபரை தடுத்து வைத்துள்ளதோடு மூதூர் நீதிமன்ற நீதிவான் முன்னிலையில் இன்று (2) ஆஜர்படுத்த உள்ளதாகவும் பொலிஸார் தெரிவிக்கின்றனர்.
காயங்களுக்குள்ளான சந்தேக நபரின் மனைவி மூதூர் தள வைத்தியசாலையில் சிகிச்சை பெற்று வருவதாகவும் பொலிஸார் தெரிவிக்கின்றனர்.
