அமெரிக்க டொலருக்கெதிராக இலங்கையின் ரூபாவின் வீழ்ச்சி நிலையினை அரசாங்கம் வெற்றிகரமாக எதிர்கொண்டுள்ளது. இலங்கை ரூபாவின் பெறுமதியை உயர்த்துவதுடன், 2025ஆம் ஆண்டளவில் இலங்கையை செல்வந்த நாடாக மாற்றுவோம் என நிதி மற்றும் வெகுசன ஊடக அமைச்சர் மங்கள சமரவீர தெரிவித்தார்.
அமெரிக்க டொலருக்கு எதிராக ரூபாவின் பெறுமதி வீழ்ச்சியடைவதனால் நாடு பாரிய பொருளாதார சிக்கலுக்கு முகங்கொடுத்துள்ளது என சில அரசியல்வாதிகள் முன்னெடுத்துவரும் பிரசாரம் தொடர்பில் விளக்கமளிக்கும் வகையில் கொழும்பில் இன்று புதன்கிழமை இடம்பெற்ற ஊடகவியலாளர் சந்திப்பில் கலந்துகொண்டு உரையாற்றுகையிலேயே அமைச்சர் மேற்கண்டவாறு குறிப்பிட்டார்.
