வவுனியா – நொச்சிமோட்டை பாலத்திற்கு அருகே இன்று அதிகாலை கேரளா கஞ்சாவுடன் ஒருவரை வவுனியா பொலிஸார் கைது செய்துள்ளனர்.
யாழ்ப்பாணத்திலிருந்து கொழும்பு நோக்கி பயணித்த அரச பஸ்ஸை வவுனியா நொச்சிமோட்டை பாலத்திற்கு அருகே மறித்து பொலிஸார் திடீர் சோதனையில் ஈடுபட்டிருந்த சமயத்தில் பயணப்பையில் கேரளா கஞ்சாவினை வைத்திருந்த சந்தேக நபரொருவரை பொலிஸார் கைது செய்துள்ளனர்.
குறித்த நபர் இரணைமடு சந்தியிலிருந்து பஸ்ஸில் பயணித்ததாகவும் இவரிடமிருந்து மீட்கப்பட்ட கேரளா கஞ்சாவின் நிறை மற்றும் பெறுமதி பின்னரே தெரிவிக்க முடியுமென பொலிஸார் தெரிவித்தனர்.
இதன் காரணமாக சுமார் 30 நிமிடங்களுக்கு மேலாக பஸ் நொச்சிமோட்டை பாலத்தடியில் தரித்து நின்றமை குறிப்பிடத்தக்கது.
