வவுனியா எல்லப்பர் மருதங்குளம் சிவன் முதியோர் இல்லத்தில் புதிய கட்டிட தொகுதி இன்று திறந்து வைக்கப்பட்டுள்ளது.
வவுனியா கோவில்குளம் அருள்மிகு ஸ்ரீ அகிலாண்டேஸ்வரி சமேத அகிலாண்டேஸ்வரர் திருகோவிலின் அனுசரணையின் கீழ் இயங்கும் சிவன் முதியோர் இல்லத்தில் புதிதாக அமைக்கப்பட்ட கட்டிடத் தொகுதி இன்று திறந்து வைக்கபட்டது.
இப்புதிய கட்டிடமானது படுக்கையில் உள்ள முதியவர்களை பராமரிப்பதற்கென விசேடமாக அமைக்கபட்டதாகும்.
இக்கட்டிடத்திறப்பு விழா காலை விருந்தினர் வரவேற்புடன் ஆரம்பமாகியது.
புதிய கட்டிட தொகுதியை வடமாகாண சமூகசேவைகள் திணைக்களப் பணிப்பாளர் நளாயினி இன்பராஜ் திறந்து வைத்தார்.
தொடர்ந்து அருளக சிறுமிகளின் வரவேற்பு நடனம் நடைபெற்றது.
இந்நிகழ்வில், கலாசார உத்தியோகத்தர் பிரதீபன், சமங்குளம் கிராம சேவை உத்தியோகத்தர் மா.சுரேந்திரன், நெடுங்கேணி சமூக சேவை உத்தியோகத்தர் பிறேமினி விமலேந்திரன், மாவட்ட முதியோர் மேம்பாட்டு உத்தியோகத்தர் தனுஷா பாலேந்திரன், முதியோர் மேம்பாட்டு உத்தியோகத்தர் பிரகாசினி அஜந்தன், சமூகசேவை உத்தியோகத்தர் சோபனா, தொழிநுட்ப உத்தியோகத்தர யசோதராதேவி, வைத்தியர் சு.சூரியகுமார், வவுனியா பொது வைத்தியசாலை மனநல மருத்துவர் சி.சிவதாஸ் ஆகியோரும் கலந்து கொண்டனர்.
