ஆவா குழு மோதல்:யாழ்ப்பாணம் – ராமநாதன் வீதியில் ஆவா குழுவின் முன்னாள் உறுப்பினரின் வீட்டின் மீது பாரிய தாக்குதல் மேற்கொள்ளப்பட்டுள்ளது.
இரவு இந்த தாக்குதல் மேற்கொள்ளப்பட்டுள்ளதாக வீட்டு உரிமையாளர் பொலிஸ் நிலையத்தில் முறைப்பாடு செய்துள்ளார். தனுரொக் குழு உறுப்பினர்கள் சிலர் இந்த தாக்குதலை மேற்கொண்டிருக்கலாம் என அவர் குறிப்பிட்டுள்ளார்.
முகத்தை மூடியிருந்த 4 பேர் வாள் மற்றும் ஆயுதங்களுடன் மோட்டார் சைக்கிள் இரண்டில் வருகைத்தந்துள்ளனர். அவ்வாறு வந்தவர்கள் வீட்டின் ஜன்னல் மீது தாக்குதல் மேற்கொண்டுள்ளதுடன், வீட்டில் உள்ள பொருட்களுக்கு தீ வைத்து அழித்துள்ளனர்.
தாக்குதலுக்குள்ளான வீட்டு உரிமையாளரின் ஒரு மகன் ஆவா குழுவுடன் தொடர்புப்பட்டு செயற்படுவதனால் கைது செய்யப்பட்டு பிணையில் உள்ளார் என பொலிஸார் தெரிவித்துள்ளனர்.
மானிப்பாய் பிரதேசத்தில் இயங்கும் தனுரொக் குழு உறுப்பினரின் வீட்டிற்கு கடந்த 28ஆம் திகதி அதிகாலை பெட்ரோல் குண்டு தாக்குதல் மேற்கொள்ளப்பட்டிருந்தது. இந் நிலையில், ஆவா குழுவினர் அந்த தாக்குதல் மேற்கொண்டிருக்கலாம் என பொலிஸார் சந்தேகம் வெளியிட்டுள்ளனர்.
