ஒட்டுசுட்டான் பகுதியில் டிப்பருடன் மோட்டார் சைக்கிள் மோதி விபத்துக்குள்ளானதில் சின்னச்சாளம்பனை பகுதியை சேர்ந்த செ. அலக்ஸ் என்ற இளைஞன் நேற்று (26) உயிரிழந்துள்ளான்.
கடந்த 21 ஆம் திகதி இடம்பெற்ற விபத்தில் படுகாயமடைந்த இளைஞன், ஒட்டுசுட்டான் வைத்தியசாலையில் அனுமதிக்கப்பட்டு, பின் மேலதிக சிகிச்சைக்காக மாஞ்சோலை வைத்தியசாலையில் அனுமதிக்கப்பட்ட நிலையில், அதனை தொடர்ந்து சிகிச்சைக்காக யாழ்ப்பாணம் வைத்தியசாலைக்கு கொண்டு செல்லப்பட்டு சிகிச்சை பெற்று வந்த நிலையில் உயிரிழந்துள்ளான்.
சின்னச்சாளம்பனை சேர்ந்த குறித்த இளைஞன் செலுத்திய பெறுமதியான மோட்டார் சைக்கிள் முற்றுமுழுதாக சேதமடைந்த நிலையில் ஒட்டுசுட்டான் பொலிஸ் நிலையத்தில் வைக்கப்பட்டுள்ளது.
அதிவேகமாக மோட்டார் சைக்கிளை செலுத்தியமையே விபத்திற்கு காரணம் என முதற் கட்ட விசாரணைகளில் தெரியவந்துள்ளது.
உயிரிழந்த இளைஞனின் உடல் நேற்று உறவினர்களிடம் ஒப்படைக்கப்பட்டுள்ளது.
