தெற்கு அதிவேக வீதியின் அனைத்து தனியார் பஸ்களும் மற்றும் மாத்தறை – கொழும்பு தனியார் பஸ்களும் இன்று காலை முதல் பணி புறக்கனிப்பில் ஈடுபட்டுள்ளது.
நேற்று (19) அம்பலாங்கொட பிரதேசத்தில் தனியார் பஸ் சாரதி ஒருவர் மீது தாக்குதல் நடத்தப்பட்டமை மற்றும் போக்குவரத்து ஆணைக்குழு தலைவரின் தன்னிச்சையான செயற்பாட்டுக்கு எதிர்ப்பு தெரிவிப்பதற்கும் இந்த பணிப்புறக்கனிப்பு நடத்தப்படுவதாக தெரிவிக்கப்பட்டுள்ளது.
நேற்று தாக்குதல் நடத்திய நபர் இதுவரை கைது செய்யப்படவில்லை என்றும், அவரை விரைவாக கைது செய்யுமாறும், போக்குவரத்து ஆணைக்குழு தலைவரின் கேள்விப்பத்திர முறைக்கு மாறான செயற்பாட்டை நிறுத்துமாறும் போராட்டக்காரர்கள் தெரிவித்துள்ளனர்.
இந்தக் கோரிக்கைகளுக்கு நாளைய தினத்திற்குள் தீர்வு கிடைக்காவிட்டால் தொடர் புறக்கணிப்பில் ஈடுபட போவதாக அவர்கள் தெரிவித்துள்ளனர்.
இந்த புறக்கணிப்பு காரணமாக பொதுப் போக்குவரத்து பயணிகள் சிரமங்களை எதிர்நோக்கியுள்ளது.
