அரச தொலைக்காட்சி அலைவரிசை ஒன்றின் ஊடகவியலாளரான மஹேஷ் நிஸ்ஸங்க கடவத்தை பொலிஸாரினால் கைது செய்யப்பட்டுள்ளார்.
வத்தளை எடேரமுள்ள பகுதியில் உள்ள உடற்கட்டு மையம் (Gym center) ஒன்றின் உரிமையாளர் மீது கத்தியால் குத்தி காயம் ஏற்படுத்தியமை தொடர்பிலேயே அவர் கைது செய்யப்பட்டுள்ளார்.
கடந்த 9ம் திகதி குறித்த ஊடகவியலாளருக்கும் கடை உரிமையாளருக்குமிடையில் ஏற்பட்ட தனிப்பட்ட சர்ச்சையின் போது இந்த கத்திக் குத்து தாக்குதல் இடம்பற்றுள்ளதாக பொலிஸார் தெரிவித்துள்ளனர்.
குறித்த தாக்குதலில் காயமடைந்த எடேரமுள்ள பிரதேசத்தை சேர்ந்த வசந்த குமார லியனகே கொழும்பு தேசிய வைத்தியசாலையில் சிகிச்சை பெற்று வருவதாகவும் பொலிஸார் தெரிவித்தனர்.
ஊடகவியலாளர் மஹேஷ் நிஸ்ஸங்க இலங்கை ரூபவாஹினி கூட்டுத்தாபனத்தின் நிகழ்ச்சி தொகுப்பாளர்களுள் ஒருவர் என்பது குறிப்பிடத்தக்கது.
