காணாமல்போன சிறுவர்கள் மீட்கப்பட்டனர்

திருகோணமலை  கன்னியா பகுதியில் நேற்று மாலை நேர வகுப்பிற்குச் சென்ற நிலையில் காணாமல் போயிருந்த இரு சிறுவர்களும் மட்டக்களப்பில் கண்டுபிடிக்கப்பட்டுள்ளனர்.
குறித்த  இரு  சிறுவர்களும் மட்டக்களப்பு வாழைச்சேனையில் புகையிரதத்தில் பயணித்த நிலையில் இன்று மீட்கப்பட்டுள்ளதாக வாழைச்சேனைப் பொலிஸார் தெரிவித்துள்ளனர்.
திருகோணமலை  கன்னியா பகுதியில் நேற்று மாலை நேர வகுப்பிற்குச் சென்ற நிலையில் இரு சிறுவர்கள்  காணாமல்போனதாக பொலிஸில் முறைப்பாடு பதிவு செய்யப்பட்டிருந்தது.
இதற்கமைய,  கன்னியா-மிகிந்தபுரத்தைச் சேர்ந்த 9 வயதுடைய யோகராஜா துஷானா அனு மற்றும்  11 வயதுடைய எஸ். தனுஸ்க என்ற சிறுவர்களே காணாமல்போனதாகவும் குறித்த முறைப்பாட்டில் தெரிவிக்கப்பட்டிருந்தது.
இந்நிலையில்,  காணாமல்போனதாகக் கூறப்பட்ட இரு சிறுவர்களும் மட்டக்களப்பு வாழைச்சேனையில் புகையிரதத்தில் பயணித்த நிலையில் மீட்கப்பட்டுள்ளதாக வாழைச்சேனைப் பொலிஸார் தெரிவித்துள்ளனர்.