அனுமதியின்றி கொண்டு செல்லப்பட்ட 5 மாடுகள் ஓமந்தைப் பொலிசாரால் மீட்கப்பட்டுள்ளது. வவுனியா, ஓமந்தை ஏ9 வீதியில் வைத்து இன்று காலை குறித்த மாடுகள் மீட்கப்பட்டுள்ளன.
உரிய அனுமதிப் பத்திரங்கள் எதுவுமின்றி புளியங்குளம் பகுதியில் இருந்து வவுனியா நோக்கி சிறிய கப் ரக வாகனத்தில் 5 மாடுகள் கொண்டு செல்லப்பட்டன.
இதனை சோதனை செய்த ஓமந்தைப் பொலிசார் குறித்த மாடுகளை மீட்டுள்ளதுடன், வாகனத்தையும் அதன் சாரதியையும் கைது செய்துள்ளனர்.
மேலதிக விசாரணைகளின் பின்னர் வவுனியா நீதவான் நீதிமன்றில் ஒப்படைக்க நடவடிக்கை எடுக்கப்பட்டுள்ளதாக ஓமந்தைப் பொலிசார் தெரிவித்தனர்.
