நாட்டில் 45 வயதுக்குட்பட்ட 20 ஆயிரம் வேலையில்லாப் பட்டதாரிகளை பயிற்சியின் பின்னர் சேவையில் இணைத்துக்கொள்ள அரசாங்கம் தீர்மானித்துள்ளது.
வேலையற்ற பட்டதாரிகளுக்கு தொழில் வாய்ப்பை பெற்றுக்கொடுக்கும் அவசியத்தைக் கருத்திற்கொண்டு விண்ணப்பித்த 45 வயதிற்கு உட்பட்ட அனைவரும் நேர்முகப்பரீட்சைக்கு அழைக்கப்பட்டுள்ளனர்.
இவர்களில் 5,000 பட்டதாரிகள் 2018 ஆம் ஆண்டு ஜுலை மாதத்திலும், 15,000 பட்டதாரிகளை 2018 ஆம் ஆண்டு செப்டெம்பர் மாதத்திலும் பயிற்சிக்காக இணைத்துக் கொள்வதற்கு திட்டமிடப்பட்டுள்ளது.
பயிற்சி காலத்தில் அவர்களுக்கு ரூபா 20,000 கொடுப்பனவை மாதாந்தம் வழங்குவதற்கும் தீரர்மானிக்கப்பட்டுள்ளது.
ஏனையோர் 2019 ஆண்டில் இணைத்துக் கொள்ளப்பட உள்ளதன் அடிப்படையில், குறித்த பயிற்சிகளை பெற்றுக் கொடுப்பதற்;கும் தீர்மானிக்கப்பட்டுள்ளது.
இதன் பின்னர் தகைமை பெறுகின்ற பட்டதாரிகளை அபிவிருத்தி அதிகாரிகள் யாப்பின் கீழ் காணப்படுகின்ற வெற்றிடங்களுக்கு இணைத்துக் கொள்வதற்குமாக தேசிய கொள்கைகள் மற்றும் பொருளாதார விவகாரங்கள் அமைச்சர் என்ற ரீதியில் பிரதமர் ரணில் விக்ரமசிங்கவினால் சமர்ப்பிக்கப்பட்ட ஆவணத்திற்கு அமைச்சரவை அங்கீகாரம் வழங்கியுள்ளது.
