உலக புகைத்தல் எதிர்ப்பு தினத்தை முன்னிட்டு ஏற்பாடு செய்யப்பட்ட புகைத்தலுக்கெதிரான எதிர்ப்பு பேரணி ஒன்று இன்று மூதூரில் நடை பெற்றது.
மூதூர் சுகாதார வைத்திய அதிகாரி அலுவலகத்தின் அனுசரணையுடன் நடைபெற்ற இப் பேரணி மூதூர் பிரதேச செயலகத்திலிருந்து ஆரம்பமாகி பெற்றோல் விற்பனை நிலையம் வரை இடம் பெற்று நிறைவடைந்தது.
மூதூர் சுகாதார வைத்திய அதிகாரி வை. ஜெஸ்மி தலைமையில் இடம்பெற்ற இப் பேரணியில்
மூதூர் பிரதேச சபை, மூதூர் பிரதேச செயலகம், மூதூர் பொலிஸ் நிலையம்,மூதூர் தளவைத்தியசாலை வலயக் கல்வி அலுவலகம் ஆகியவற்றின் அதிகாரிகள் மற்றும் ஊழியர்கள் கலந்து கொண்டனர்.
இப் பேரணியில் புகைத்தலுக் கெதிரான வாசகங்களை ஏந்தியவாறு பாடசாலை மாணவர்களும் கலந்துகொண்டமை குறிப்பிடத்தக்கது.
