திருகோணமலையில் இன்று (செவ்வாய்க்கிழமை) அதிகாலை இடம்பெற்ற வாகன விபத்தில் 7பேர் காயமடைந்துள்ளனர்.
இன்று அதிகாலை திருகோணமலையிலிருந்து யாழ்ப்பாணம் புறப்பட்ட இலங்கைப் போக்குவரத்துச் சபைக்குச் சொந்தமான பேருந்தே கன்னியா என்னுமிடத்தில் விபத்துக்குள்ளாகியது.
அதிக பயணிகளை ஏற்றிவந்த குறித்த பேருந்தானது, வளைவுப் பகுதியில் திருப்பும்போது வேகக்கட்டுப்பாட்டையிழந்து குடைசாய்ந்து விபத்துக்குள்ளாகியது.
இதன்போது. 7பேர் காயங்களுக்கு உள்ளான நிலையில் திருகோணமலை பொது வைத்தியசாலையின் அவசர சிகிச்சை பிரிவில் அனுமதிக்கப்பட்டுள்ளார்கள். விபத்து தொடர்பிலான மேலதிக விசாரணைகளை உப்புவெளி காவல்துறையினர் மேற்கொண்டு வருகின்றனர்.
