கிளிநொச்சி 155 ஆம் கட்டைப் பகுதியில் வைத்து 1.6 கிலோ கிராம் கஞ்சாவுடன் ஒருவர் கைது செய்யப்பட்டுள்ளார்.
நேற்று (27) பிற்பகல் கிளிநொச்சி விசேட அதிரடிப்படையினருக்கு கிடைத்த இரகசியத் தகவலுக்கு அமைவாக விசேட அதிரடிப்படைப் பிரிவின் கிளிநொச்சிப் பொறுப்பதிகாரி விஜயரத்ன தலைமயிலான குழுவினர் குறித்த பகுதியை சுற்றிவளைப்பு செய்த பொழுதே சந்தேகநபர் ஒருவர் கைது செய்யப்பட்டதுடன் 1.6 கிலோ கிராம் கஞ்சாவும் மீட்கப்பட்டுள்ளது.
கைதுசெய்யப்பட்ட சந்தேகநபர் கிளிநொச்சியில் கஞ்சா வியாபாரத்தில் ஈடுபட்டுபட்டுவரும் நபர் என அதிரடிப்படையினர் தெரிவிக்கின்றனர்.
மேலும் கைப்பற்ப்பட்ட கஞ்சாவுடன் சந்தேகநபரும் இன்று (28) கிளிநொச்சிப் பொலிஸார் ஊடாக கிளிநொச்சி நீதவான் நீதிமன்றில் ஆஜர்ப்படுத்தப்பட இருப்பதாகவும் தெரிவிக்கின்றனர்.
