தூத்துக்குடி துப்பாக்கி சூடு சம்பவம் குறித்து தமிழக அரசு அளித்த அறிக்கையின் மீது மத்திய உள்துறை இலாகா கேள்வி எழுப்பும் என்று பா.ஜனதா தலைவர் அமித்ஷா கூறினார்.
மத்தியில் உள்ள பா.ஜனதா ஆட்சியின் 4 ஆண்டுகால செயல்பாடுகள் குறித்து அக்கட்சியின் தேசிய தலைவர் அமித்ஷா டெல்லியில் உள்ள கட்சியின் தலைமை அலுவலகத்தில் நேற்று நிருபர்களுக்கு பேட்டி அளித்தார். அப்போது காவிரி பிரச்சினை, தூத்துக்குடி சம்பவம் குறித்து அவரிடம் சில கேள்விகள் எழுப்பப்பட்டன.
அந்த கேள்விகளுக்கு பதில் அளித்து அமித்ஷா கூறியதாவது:-
தூத்துக்குடி துப்பாக்கி சூடு சம்பவம் குறித்து உள்துறை இலாகா தமிழக அரசிடம் அறிக்கை கேட்டது. அதன்படி தமிழக அரசு அறிக்கை அளித்து இருக்கிறது. அந்த அறிக்கையின் மீது உள்துறை இலாகா கேள்வி எழுப்பும்.இவ்வாறு அமித்ஷா கூறினார்.
மேலும், ‘தமிழக அரசியலில் பா.ஜனதா என்ன நிலை எடுக்கப்போகிறது?’ என்று கேட்டதற்கு, ‘அதை ஒலிப்பெருக்கியில் சொல்ல முடியாது’ என்று அமித்ஷா பதில் அளித்தார்.
