பன்முகப்படுத்தப்பட்ட நிதி ஒதுக்கீட்டின் கீழ் மகளிர் விவகார அமைச்சரின் சார்பில் மலசலகூட திருத்தத்திற்கு உதவிப் பொருட்கள் வழங்கப்பட்டுள்ளது!

வட மாகாண சபையின் 2017 ஆம் ஆண்டிற்கான பன்முகப்படுத்தப்பட்ட நிதி ஒதுக்கீட்டின் கீழ் வட மாகாண மகளிர் விவகார அமைச்சர் திருமதி அனந்தி சசிதரன் அவர்களது சார்பில் பெண் தலைமைத்துவ குடும்பம் ஒன்றிற்கு மலசலகூட திருத்தத்திற்காக ஐம்பதாயிரம்(50,000/=) ரூபா பெறுமதியான உதவிப் பொருட்கள் வழங்கப்பட்டுள்ளது.

ஆவரம்பிட்டி, கரணவாய் பகுதியைச் சேர்ந்த மதியரசன் புஷ்பமலர் என்ற பெண் தலைமைத்துவ குடும்பத்தைச் சேர்ந்த பயனாளிக்கே மலசலகூடத்தை திருத்தம் செய்வதற்கு தேவையான சீமெந்து மற்றும் மணல் வழங்கி வைக்கப்பட்டுள்ளது. கரவெட்டி பிரதேச சபை வளாகத்தில் வைத்து இவ் உதவிப் பொருட்களை அமைச்சரின் சார்பில் கௌரவ மாகாண சபை உறுப்பினர் எம்.கே.சிவாஜிலிங்கம் அவர்கள் குறித்த பயனாளிக்கு வழங்கி சிறப்பித்திருந்தமை குறிப்பிடத்தக்கது.